17/02/2010
O Consello Galego de Cooperativas convoca os “premios á cooperación” para o ano 2010, co fin de fomentar e difundir o cooperativismo en Galicia, así como para recoñecer e recompensar publicamente o labor que están a desenvolver as cooperativas e outras institucións e persoas neste ámbito.
Poderán optar a estes premios as cooperativas e as persoas físicas ou xurídicas, públicas ou privadas, que realizasen un destacado labor no eido do cooperativismo na Comunidade Autónoma galega.
Os premios á cooperación convócanse baixo as seguintes modalidades:
* Premio aos valores cooperativos: recoñecemento ao impulso dos valores cooperativos na Comunidade Autónoma galega. Valorarase a traxectoria dos/as candidatos/as, especialmente as actuacións dirixidas á aplicación práctica dos principios cooperativos establecidos pola Alianza Cooperativa Internacional e a súa adecuación ao marco socioeconómico galego.
O premio terá unha dotación económica de 6.000 euros.
*Premio ao mellor proxecto cooperativo: recoñecemento a un proxecto empresarial cooperativo de especial relevancia, ben polo seu carácter innovador ou de intercooperación, ben pola súa repercusión na contorna, ou ben polas súas características singulares, desenvolto tanto por cooperativas de nova creación como por cooperativas previamente existentes.
O premio terá unha dotación económica de 6.000 euros.
*Premio á promoción do cooperativismo: recoñecemento á persoa ou entidade que teña destacado especialmente no fomento do cooperativismo, tanto pola súa traxectoria como por actuacións de carácter puntual que resulten particularmente significativas. Valorarase a actividade ou actividades realizadas polos/as candidatos/as e a súa repercusión na implantación e desenvolvemento do cooperativismo en Galicia, tanto nos seus aspectos cualitativos como cuantitativos, e valorarase especialmente aos persoeiros do cooperativismo como xeito de recoñecer as súas traxectorias neste eido.
O premio terá unha dotación económica de 6.000 euros.
As candidaturas poderán presentarse ata o 31 de maio de 2010 na Secretaría do Consello Galego de Cooperativas (Consellería de Traballo e Benestar, edificios administrativos de San Lázaro, Santiago de Compostela).
As propostas deberán ir acompañadas dunha memoria explicativa e documentación xustificativa dos valores e méritos alegados.
Consello Galego de Cooperativas -
Edificio Administrativo San Lázaro, Consellería de Traballoe Benestar - 2º andar
15781 Santiago de Compostela - Teléfono: 881 999 268 - Política de Privacidade - Financiado por Equal FSE
Máis Novas
Relacionadas
Biblioteca
Relacionada
Mapa de www.cooperativasdegalicia.com